خیال آرائی: ممتا گپتا "ناز”
اترولہ ، گونڈہ، اتر پردیش
گل محبت کے تو کھلائے جا
اے مرے یار مسکرائے جا
تو لگا کر قیاس باتوں کے
میرے احساس بس چرائے جا
دل پہ جو گزرے وہ گزرنے دے
تو کہ تیرِ نظر چلائے جا
پاؤں تیرے بھلے زمیں پہ رہیں
حق فلک پر مگر جتائے جا
چھوڑ کر فکر اس زمانے کی
ایک دوجے میں بس سمائے جا
چھین کر سارا چین دل کا مرے
نیند آنکھوں کی تو اڑائے جا
میرے گلشن کا تو نگہباں ہے
خار اگا یا کے گل اگائے جا
اے مری جاں نہ ہو پریشاں تو
میں ہوں تیری یقین لائے جا
میرے خوابوں کے آسمانوں پر
شمش بن کر کے جگمگائے جا
"ناز” کھلنے کا غم نہ کر ہر گز
رازِ دل اپنے سب بتائے جا
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
