از قلم: شیخ عسکریؔ رضوی بنارسی
شہر طیبہ وہی تو جاتے ہیں
جن کو پیارے نبی بلاتے ہیں
سوئی قسمت کو وہ جگاتے ہیں
جو بھی نعت نبی سناتے ہیں
ہم ہیں منگتے رسول اعظم کے
ان کا کھاتے ہیں ان کا گاتے ہیں
مصطفیٰ مجتبیٰ علی کے لیے
شمس ڈوبا ہوا پھراتے ہیں
میرے آقا کا معجزہ دیکھو
کلمہ کنکر سے بھی پڑھاتے ہیں
ان کے گھر میں برستی ہے رحمت
جو میلاد نبی ﷺ مناتے ہیں
نجدیوں کو نبی کی محفل سے
لے کر نامِ رضا بھگاتے ہیں
خلدوا عسکریؔ ہے ان کے لیے
جو مدینے سے لَو لگاتے ہیں
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
