نعت رسول

نعت رسول: دل سے نکلی صدا مصطفیٰ آگئے

ازقلم: محمد نوشاد احمد نظامی
مقام و پوسٹ بھٹگائیں تھانہ تریاں
ضلع چھپرہ بہار (9546590490)

دل سے نکلی صدا مصطفیٰ آگئے
بن کے حاجت روا مصطفیٰ آگئے

گونج اٹھی ہرطرف مرحبا کی صدا
سرور انبیاء مصطفیٰ آگئے

ختم ظلم و تشدد ہوا دہر سے
فضل مولا ہوا مصطفیٰ آگئے

روشنی چھاگئی دور ظلمت ہوئی
پڑھئے صلی علیٰ مصطفیٰ آگئے

فرش پر عرش پر دھوم ہی دھوم ہے
کہہ رہی ہے فضا مصطفیٰ آگئے

کفر پر خوف طاری ہوا اس گھڑی
جب پتہ یہ چلا مصطفیٰ آگئے

مسکرائی زمیں آسماں نے کہا
سب کا ہوگا بھلا مصطفیٰ آگئے

مشک و عنبر سے نوشاد دھوکر زباں
یہ کہو تم سدا مصطفیٰ آگئے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے