منقبت میر سید شاہ فضل اللہ، کالپی شریف

الدال علیٰ خیر کفاعلہ (شیئر کریں)
نتیجہ فکر: محمد زاہد رضا بنارسی
دارالعلوم حبیبیہ رضویہ گوپی گنج بھدوہی ۔یوپی ۔بھارت


ہمنوا ہے ربّ کعبہ شاہ فضل اللہ کا
دیکھئے تو شان و رتبہ شاہ فضل اللہ کا

یہ ہے عظمت کہ دعائے خیر میں اپنی رکھا
اعلٰی حضرت نے وسیلہ شاہ فضل اللہ کا

اس میں شامل ہیں محمد اور احمد کے بھی نام
ہے بہت نورانی شجرہ شاہ فضل اللہ کا

صرف ہم اور آپ ہی ان کے نہیں ہیں مدح خواں
جنتوں میں بھی ہے چرچاشاہ فضل اللہ کا

پیشوائے اہلِ سنت کیا یونہی رٹتے رہے
نام ہی ہے اتنا اونچا شاہ فضل اللہ کا

اس کی قسمت کی بلندی کا بیاں ہو کس طرح
پالیا ہے جس نے صدقہ شاہ فضل اللہ کا

یوں تو ساری خانقاہیں محترم ہیں ہے مگر
آستانہ آستانہ شاہ فضل اللہ کا

بالیقیں "زاہد رضا” محبوبِ ربّ پاک سے
ہے بہت مضبوط رشتہ شاہ فضل اللہ کا

الدال علیٰ خیر کفاعلہ (شیئر کریں)

About ابوشحمہ انصاری

جناب ابوشحمہ انصاری صاحب صوبہ اترپردیش کے معروف ضلع بارہ بنکی سے تعلق رکھتے ہیں اور ہفتہ واری میگزین صداے بسمل کے بیورو چیف ہیں۔ نامور صحافی اور بہترین تبصرہ نگار کی حیثیت رکھتے ہیں۔ ہماری آواز

Check Also

آنکھ ہےگِریاں ترے لیے

حضرت مفتی نظام الدین نوری نوراللہ مرقدہ کی یاد میں تڑپتے ہوئے دل کی آواز …

جواب دیں

آپ کا ای میل ایڈریس شائع نہیں کیا جائے گا۔