منقبت: غوث اعظم شاہ جیلاں!آپ کےہوتےہوئے

الدال علیٰ خیر کفاعلہ (شیئر کریں)
نتیجہ فکر: ازہرالقادری
جامعہ اہل سنت امدادالعلوم مٹہنا سدھارتھ نگر
9559494786

غوث اعظم شاہ جیلاں!آپ کے ہوتےہوئے
ورغلائے ہم کو شیطاں؟آپ کے ہوتےہوئے

در بہ در بھٹکیں ؟ ہمارا آسرا کوئی نہ ہو!!
چاک ہوجائے گریباں؟آپ کے ہوتےہوئے

وقت ہےفرعونیت کا! ہوں بہ ہر جانب شہا
آپ کےعاشق پشیماں آپ کے ہوتےہوئے

"لَاتَخَفْ” اعلان کرتا ہے کہ عاشق آپ کا
ہو نہیں سکتا پریشاں آپ کے ہوتےہوئے

تن کےاجلوں،من کےکالوں نےکیاکچھ ایساکام
پڑگیا خطرےمیں ایماں آپ کے ہوتے ہوئے

کیجیے!مشکل کشائی ، دردِ دِل کس سےکہیں!
اےہمارےشاہِ ذی شاں آپ کےہوتےہوئے

لہلہائیں کھیتیاں ، چاروں طرف سے جھوم کر
کیوں نہ برسےابرنیساں آپ کےہوتےہوئے

قادری نسبت ہے کافی اپنی بخشش کے لیے
ہم بھلاکیوں ہوںپریشاں آپ کےہوتےہوئے

فکر کا سورج نہ ڈوبے عمر بھر ، ازہر کی اور
گل نہ ہو شمعِ شبستاں آپ کےہوتےہوئے

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

آنکھ ہےگِریاں ترے لیے

حضرت مفتی نظام الدین نوری نوراللہ مرقدہ کی یاد میں تڑپتے ہوئے دل کی آواز …

جواب دیں

آپ کا ای میل ایڈریس شائع نہیں کیا جائے گا۔