نتیجہ فکر: محمد اشرفؔ رضا قادری
مدیر اعلی سہ ماہی امین شریعت
خدا کے بندۂ حامد شہِ حامد رضا تم ہو
نبی کی عظمت و ناموس پر دل سے فدا تم ہو
اٹھایا دین کی خدمت کا پرچم اپنے ہاتھوں میں
معین و خادمِ دینِ محمد مصطفیٰ تم ہو
ہر اک فن میں امامت کا تمہیں درجہ رہا حاصل
معارف کے فلک کا مہر و ماہِ پُر ضیا تم ہو
’’فتاویٰ حامدی‘‘ پڑھ کر یہی محسوس ہوتا ہے
رضا کے علم و حکمت کا مکمل آئینہ تم ہو
سجا ہے ’’حجۃ الاسلام‘‘ کا طغریٰ تمہارے سر
ہمارے راہبر تم ہو، ہمارے رہنما تم ہو
قیادت قوم و ملت کی بصد اخلاص فرمائی
گروہِ اہلِ سنت کے نقیب و پیشوا تم ہو
تمہیں فنِ خطابت میں بھی ملکہ خوب حاصل تھا
خطیبِ اعظمِ ہندوستاں حامد رضا تم
نبی کے عشق نے تم کو حیاتِ جاوداں بخشی
روا ہے گر کہے اشرفؔ ’’بقا بعدِ فنا‘‘ تم ہو
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
