ازقلم: عبدالمبین حاتم فیضی
ہم ان کا دیکھنے روضہ، چلو اجمیر چلتے ہیں
جگانے بختِ خوابیدہ، چلو اجمیر چلتے ہیں
زہے قسمت کبھی ہم کو ملے موقع یہ، ہم بولیں
"بلاتے ہی ہمیں خواجہ چلو اجمیر چلتے ہیں”
غریبو ! بد نصیبو ! ناشکیبو ! حوصلہ رکھو
بدلنے ہاتھ کی ریکھا، چلو اجمیر چلتے ہیں
جومنگتوں کوہمیشہ جھولیاں بھربھر کےدیتا ہے
وہاں ہے ایسا اک داتا، چلو اجمیر چلتے ہیں
ہمارے ملک کا حاکم بہت تکلیف دیتا ہے
سنانے درد کا قصہ ، چلو اجمیر چلتے ہیں
گداؤ ! بے نواؤ ! غیر کا در کھکھٹاؤ مت
کہ ہیں حاجت روا خواجہ،چلو اجمیر چلتے ہیں
فقیر و بادشہ اک ساتھ ہوتے ہیں جہاں حاتم
نظَارہ کرنے اس در کا، چلو اجمیر چلتے ہیں
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
