نعت رسول

نعت رسول: رخ والضحی پر ہے طلعت کی بارش

نتیجۂ فکر: غلام احمد رضا نیپالی

رخ والضحی پر ہے طلعت کی بارش
ہے وللیل زلفوں پہ رنگت کی بارش

کیے جا رہا ہوں میں مدحت کی بارش
ہوئی جا رہی ہے عنایت کی بارش

کرے جو غریبوں پہ شفقت کی بارش
کرے اس پہ رب اپنی رحمت کی بارش

جو گستاخ ہے شاہِ ہر دوسرا کا
ہے اس کے لیے بس اہانت کی بارش

شہ انبیا کی عدالت جہاں ہے
وہاں پر سدا ہے صداقت کی بارش

حبیبِ خدا آپ آئے تبھی سے
ہوئی بند عالم میں ظلمت کی بارش

ہدایت کی خاطر کی رب نے جہاں میں
نبوت رسالت ولایت کی بارش

جہاں رہتے ہیں نعت خوان پیمبر
وہاں خوب ہوتی ہے مدحت کی بارش

شہ دیں کی محفل میں آکر دوانے
نہا لے کہ ہوتی ہے رحمت کی بارش

پسینہ ملا ہے شہ دیں کا جب سے
تبھی سے ہے گلشن میں نکہت کی بارش

خطا کار و مجرم بھی پائیں گے جنت
کریں گے جب آقا شفاعت کی بارش

چلو مانگتے ہیں در مصطفیٰ پر
وہاں ہو رہی ہے سخاوت کی بارش

رسولِ جہاں کی ولادت کے صدقے
ہوئی جگ میں ہر جا مسرت کی بارش

درودوں کی محفل سجانے سے گھر پر
خدا خوب کرتا ہے برکت کی بارش

شہ دوسرا تیری آمد سے جگ میں
برستی ہے اُلفت محبت کی بارش

بنا چور بھی رب کا محبوب بندہ
ہوئی غوث کی جب کرامت کی بارش

یزیدوں کا خیمہ لرز سا گیا تھا
بہتر نے کی جب شجاعت کی بارش

ستا تا ہے جو والد اور والدہ کو
کرے اس پہ رب خوب ذلت کی بارش

خدائے تعالیٰ بھی راضی رہے گا
کرو گے اگر ماں پہ اُلفت کی بارش

جو منکر ہے شانِ نبوت کا احمد
سدا اس پہ ہوتی ہے لعنت کی بارش

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!

ہماری آواز
ہماری آواز؛ قومی، ملی، سیاسی، سماجی، ادبی، فکری و اصلاحی مضامین کا حسین سنگم ہیں۔ جہاں آپ مختلف موضوعات پر ماہر قلم کاروں کے مضامین و مقالات اور ادبی و شعری تخلیقات پڑھ سکتے ہیں۔ ساتھ ہی اگر آپ اپنا مضمون پبلش کروانا چاہتے ہیں تو بھی بلا تامل ہمیں وہاٹس ایپ 6388037123 یا ای میل hamariaawazurdu@gmail.com کرسکتے ہیں۔ شکریہ
http://Hamariaawazurdu@gmail.com

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے