از قلم.. دلشاد دل سکندر پوری
زہر ہوں اور شہد گھول رہا ہے مجھ میں
کون ہے تیری طرح بول رہا ہے مجھ میں
اب محبت نہ کروں گا یہ قسم کھائ تھی
بند دروازہ کوئی کھول رہا ہے مجھ میں
خود کو اپنے ہی میں قدموں پہ جھکا لیتا ہوں
ایک ہی فن ہے جو انمول رہا ہے مجھ میں
اپنی جنت میں بنا کر کے مٹا دیتا تھا
مدتوں تک کوئی بہلول رہا ہے مجھ میں
میرے سینے میں یہ دل ہے کہ کوئی سوداگر
میرے احساس کا دھن تول رہا ہے مجھ میں
اب یہ پتھر مجھے کیا آنکھ دکھائیں گے دل
پہلے آئینوں کا اک غول رہا ہے مجھ میں
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
