اعلیٰ حضرت، عظیم البرکت، مجدد دین و ملت پروانہء شمع رسالت، امام اہل سنت، الشاہ امام احمد رضا خان فاضل قادری برکاتی رضی اللہ عنہ
ہو رہا ہے ذکر تیرا ہر گھڑی احمد رضا
کیونکہ توہے بالیقیں رب کا ولی احمد رضا
علم و حکمت کی نمایا روشنی احمد رضا
بالیقیں کی دور تم نے تیرگی احمد رضا
کہہ رہا ہے تیرا ہر عاشق یہی احمد رضا
ہیں ہماری جان بھی اور زندگی احمد رضا
گلشن ملت ہے تازہ ان کے دم سے بالیقیں
"گیسوئے ملت کی ہے مشاطگی احمد رضا”
فضل رب سے آپ ہیں غوث الوری کے جانشیں
ہند میں ہیں وقت کے نعمان بھی احمد رضا
نائب حسان تم کو کہہ رہا ہے ہر کوئی
مدحت سرکار تم نے ایسے کی احمد رضا
کہہ رہا ہے تیرا ہر عشاق برجستہ یہی
بالیقیں ظلمت میں ہے تو روشنی احمد رضا
مصطفیٰ کے عشق سے اعزاز یہ حاصل ہوا
ہر کوئی ہے شیدا تیرا سیدی احمد رضا
مسلک حق کو بھلا پہچانتے ہم کس طرح؟
گر نہیں کرتے ہماری رہبری احمد رضا
شاہد خستہ سرا ہے تو ثریا بالیقیں
کس قدر اس سے بیاں ہو شاں تری احمد رضا
اذن پھر شہر بریلی کا اسے کردو عطا
شاہد خستہ کی ہے خواہش دلی احمد رضا
ازقلم: محمد شاہد رضا رضوی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
