سرورِ دیں پر فدا حضرت شعیب الاولیاء
ہیں ہمارے مقتدا حضرت شعیب الاولیاء
علم و فن کی تشنگی میری بھی بجھ جائے شہا
کیجیے چشمِ عطا حضرت شعیب الاولیاء
کر نہیں سکتا انہیں گمراہ بد مذہب کبھی
جن کے بھی ہیں رہنما حضرت شعیب الاولیاء
میں بھی ہوجاؤں مشرف آپ کے دیدار سے
ہو عطا جامِ لقا حضرت شعیب الاولیاء
دشمنوں کے واسطے وہ تیغ کے مانند ہیں
آپ کے ہیں جو گدا حضرت شعیب الاولیاء
تا قیامت لہلہائے آپ کا فیض الرسول
کرتا ہے ارشد دعا حضرت شعیب الاولیاء
رشحات قلم۔ محمد ارشد رضا امجدی فیضی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
