نتیجۂ فکر: شمس تبریز خاکٓی ظہوری بلگرامی
خانقاہِ ظہوریہ چشتیہ قادریہ بلگرام شریف(ہرودئی)
بختِ خفتہ کے سبھی جڑ سے ہی کٹ جائیں درخت
یا خدا سر سے گناہوں کے یہ ہٹ جائیں درخت
سر پٹک کر ہی ہاں رہ جائیں یہ طوفاں سارے
نامِ سرکار کہیں لے کے جو ڈٹ جائیں درخت
عشق و الفت کے سدا جھوکے لگیں گے ہر جا
ان کی تعلیم کے گر چار سو بٹ جائیں درخت
میں مسافر ہوں مدینہ کا دعا ہے میری
راہ طیبہ میں گرے سارے ہی ہٹ جائیں درخت
یاخدا وصل میسر ہو کبھی مجھ کو اور
فرقتِ صاحبِ لولاک کے کٹ جائیں درخت
جب محافظ ہے خدا اس کا اے دنیا والو
کیسے پھر دھر سے یہ نعت کے گھٹ جائیں درخت
بارشیں ہو نہ اگر ان کے کرم کی خاکی
بخدا سوکھ کے اک پل میں ہی پھٹ جائیں درخت
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
