نتیجۂ فکر: گل گلشن، ممبئی
چاند ہے تنہا تنہا سا
رات بھی کتنی اکیلی ہے
رات کی تاریکی میں کھو جانا
کتنا اچھا لگتا ہے
میں بھی چند خواب سمیٹے رات کی گود میں آ بیٹھی ہوں
جاگتی آنکھوں میں سپنے سمونا
کتنا اچھا لگتا ہے
تنہا رات اور تنہا میں
دونوں باتیں کرتے ہیں
یوں تنہائی میں باتیں کرنا
کتنا اچھا لگتا ہے
تاروں کی جھلمل بھی جگتی پھر سو جاتی ہے
ان تاروں کو تکتے رہنا
کتنا اچھا لگتا ہے
دنیا کی فریب و مکاری سے
یہ بے جان نظارے بہتر ہیں
سب سے چھپ کر ان میں کھونا
کتنا اچھا لگتا ہے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
