نتیجۂ فکر: سرتاج احمد شحنہ مؤ سکندرپور امبیڈکر نگر یو پی
دل میں آقا کی محبت ہے بسی شام و سحر
اس لئے مجھ کو ملی ہے ہر خوشی شام وسحر
قاسم نعمت وہی ہیں مالک جنت بھی ہیں
دے رہے ہیں ہم غلاموں کو نبی شام و سحر
آسماں پر چاند تاروں کی چمک باقی ہے جو
لے رہے ہیں ان کے در سے روشنی شام و سحر
جا نہیں سکتا ہے جنت میں بروز حشر وہ
جو بھی کرتا ہے نبی سے دشمنی شام و سحر
جب سے دیکھا حاجیوں نے جاکے آقا کا دیار
ان کی نظروں میں ہےطیبہ کی گلی شام و سحر
دے دیا ہے مصطفے نے تاج شاہی آپ کو
ہند کا راجہ بنا ہندالولی شام و سحر
یا نبی سرتاج کو بھی طیبہ بلوا لیجئے
جھوم کر پڑھتا ہے نعتیں آپ کی شام و سحر
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
