رشحات خامہ : محمد اشرف رضا قادری
رئیس الاماثل ہیں صدر الافاضل
کثیر الفضائل ہیں صدر الافاضل
رہِ عشقِ سرکار کے ہیں مسافر
شریعت پہ عامل ہیں صدر الافاضل
بہا کرتی ہیں جس سے نیکی کی ندیاں
وہ بحرِ شمائل ہیں صدر الافاضل
فقیہ و مفسر، ادیب و صحافی
ہر اک فن میں کامل ہیں صدر الافاضل
عبادت، ریاضت میں مصروف ہر دم
کرامت کےحامل ہیں صدر الافاضل
’’خزائن‘‘ کا ’’عرفان‘‘ بخشا ہے جس نے
وہ کنز المسائل ہیں صدر الافاضل
علوم و معارف سے لبریز سارے
تمہارے رسائل ہیں صدر الافاضل
عدو دیکھ کر جس کو حیراں ہیں اشرفؔ
وہ زورِ دلائل ہیں صدر الافاضل
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
