نتیجہ فکر: فناءالقادری
گلہائے چمن نعت مہک نعت کلی نعت
ہر برگ و شجر نعت ثمر نعت تَری نعت
یہ سیل رواں نعت یہ تالاب وندی نعت
ہر گہرے سمندر کی تہوں میں ہے چھپی نعت
سیارے ، قمر نعت یہ شب تاروں بھری نعت
خورشید و فلک نعت ستاروں کی لڑی نعت
یہ خلد بریں نعت یہ سب حور و پری نعت
غلمان حسیں نعت نِعَم اس کے سبھی نعت
یہ ارض و سما نعت گھٹا چھائی ہوئی نعت
یہ حسنِ فضا نعت ہوا اڑتی ہوئی نعت
یہ ابر کرم نعت یہ بارش کی جھڑی نعت
یہ پیڑ یہ پودے یہ تنے گھاس ہری نعت
اظہار جلی نعت فناؔ شوق خفی نعت
ظاہر بھی تری نعت ہے باطن بھی تری نعت
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
