نعت رسول

بختِ خفتہ مِرا اب جگا دیجیے

کاوشِ فکر: ناصر منیری
ڈائریکٹر ریسرچ سینٹر، خانقاہ منیر شریف
رابطہ نمبر: 9905763238

بختِ خفتہ مِرا اب جگا دیجیے
یا نبی اپنا جلوہ دِکھا دیجیے

تیرگی میرے دل کی مٹا دیجیے
اپنا مکھڑا ذرا اب دِکھا دیجیے

آپ کی دید ہی تو مِری عید ہے
دید اپنی ذرا اب کرا دیجیے

دل میں خواہش لیے مر نہ جاؤں کہیں
شاہِ طیبہ مدینہ دکھا دیجیے

آپ کے عشق سے دل یہ سرشار ہو
دل سے دنیا کی الفت مٹا دیجیے

آپ کے در سے کوئی نہ خالی گیا
اپنے سائل کو اب کچھ عطا کیجیے

ہے یہ ناصرؔ منیری کی عرضی شہا
کچھ نواسوں کا صدقہ لٹا دیجیے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے