حیرت کاملی منزل میں عظیم الشان جلسہ جشن میلادالنبیﷺ کا انعقاد، کثیر تعداد میں عاشقان رسول کی شرکت
سرینگر / گوہر خاکی
جشن میلادالنبی صلم کے سلسلے میں جہاں پوری دنیاء میں روح پرور نورانی مجالس ومحافل کا اہتمام جاری و ساری ہیں وہیں اسی سلسلے کے تحت وادی کشمیر کے معروف علمی و روحانی خانوادہ حیرت کاملی( حیرت کاملی منزل زکورہ سرینگر) میں ایک عظیم محفل میلاد النبی صلم منعقد ہوئی ۔جس میں اطراف و اکناف سے آیے ہویے عاشقان رسولؐ مریدین و محیبین سلسلہ ھذا نے کثیر تعداد میں شرکت کی ۔یہ مجلس جانشین علامہ حیرت کاملی حضرت میروسید افتخار احمد صاحب کاملی کی سیادت و قیادت میں منعقد ہوئی ۔مجلس میں نعوت و مناجات کے علاوہ سیرت النبی پر بھی خوب روشنی ڈالی گئی ۔ جموں و کشمیر کے معروف عالم دین پیر طریقت حضرت مولانا شوکت حسین کینگ صاحب مجددی و حضرت مولانا خورشید احمد قانونگو صاحب نے سیرت پاک کے مختلف ادوار اور گوشوں سے مدلل و مفصل انداز میں سامعین کو روشناس کرایا۔ محترم محمد رفیق زرگر ،محترم راحیل احمد اور محترم محمد یاسین ترمبو وغیرہ نے نعوت و مناقب کی سعادت حاصل کر کے حاضرین کو محضوض کیا۔ میر مجلس حضرت کاملی صاحب نے تمام عالم انسانیت بالخصوص جموں و کشمیر کی امن و سلامتی و خوشحالی کے لئے خصوصی دعاء کی ۔انھوں نے وادی کے موجودہ نامساعد حالات پر اپنے گہرے تشویش کا اظہار بھی کیا۔ مجلس کے آخر پر حسب معمول تقسیم لنگر کا بھی اہتمام ہوا۔اس کے بعد یہ نورانی مجلس برخواست ہوئئ۔۔۔۔
