حامی اہل حق ، مرد باطل شکن
ارشد القادری ارشد ا لقادری
رشک اہل ولا فخر اہل سنن
ارشدالقادری۔۔۔۔۔۔۔۔۔۔۔ ارشدالقادری
علم و تہذیب و فن کا منارہ ہے تو
منفرد رہ کے بھی اک ادارہ ہےتو
تیری ہستی مکمل ہے اک انجمن
ارشدالقادری۔۔۔۔۔۔۔۔۔۔۔۔۔۔۔ارشدالقادری
تیرے قلمی نگارش کی ہےدھوم دھام
جس سےارباب فن بھی ہوے شادکام
ہے جدا تیرا لہجہ ترا بانکپن
ارشد القادری۔۔۔۔۔۔۔۔۔۔۔۔۔۔ ارشدالقادری
تیری سیرت میں ہےعکس شاہ جہاں
نقش پا ہے ترا منہج سالکاں
زہدو تقوی میں بھی تو فرید زمن
ارشدالقادری۔۔۔۔۔۔۔۔۔۔۔۔۔۔۔ ارشدالقادری
تیرے اشعار میں سوز اور سازہے
دل نشیں کیف زا تیرا اندازہے
قابل نوش ہے تیرا جام سخن
ارشدالقادری۔۔۔۔۔۔۔۔۔۔۔۔۔۔۔۔۔ارشدالقادری
رب تعالی نے بخشیں تجھے عظمتیں
چارسو ہیں جہاں میں تری شہرتیں
ہے مُقِر تیری رفعت کا چرخ کہن
ارشد القادری ۔۔۔۔۔۔۔۔۔۔۔۔۔۔ ارشدالقادری
تیرے خوابوں کی تعبیر فیض العلوم
تشنہ علموں کا ہر دم یہاں ہے ہجوم
در حقیقت یہ ہے صفۂ علم و فن
ارشد القادری ۔۔۔۔۔۔۔۔۔۔۔۔۔۔۔۔ارشدالقادری
جام عشق محمد سے سرشار ہیں
تمغہ ٕ صد ستاٸش کے حقدار ہیں
ذکر سرکار میں ہرگھڑی ہیں مگن
ارشد القادری ۔۔۔۔۔۔۔۔۔۔۔۔۔۔۔ارشد القادری
لب پہ جاری رہے تیرا ذکر جمیل
تاکہ ملتا رہے رب سے اجر جزیل
چھوٹنے پاے ہرگز نہ تیرا مشن
ارشد القادری۔۔۔۔۔۔۔۔۔۔۔۔۔۔۔۔۔ارشدالقادری
بالیقیں تھےوہ واصف ستودہ صفات
کاٹی تبلیغ دین متیں میں حیات
راہ حق پر رہے ہرگھڑی گامزن
ارشدالقادری۔۔۔۔۔۔۔۔۔۔۔۔۔۔۔۔۔ارشدالقادری
رشحات قلم: واصف رضا واصف، مدھوبنی بہار
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
