فرید عالم اشرفی فریدی
نبیوں کے سبھی آپ ہیں سردار مدینہ
ہر چیز کے ہیں مالک و مختار مدینہ
تجھ میں ہےبسی خوشبوۓ عشق شہہ بطحا
ہے تیری عجب شان اے گلزار مدینہ
ایسے بھی دن آجائیں جو تقدیر میں اپنی
اےکاش میں بھی دیکھ لوں دربارمدینہ
نقشہ وہی آنکھوں میں رہے آخری دم تک
دیکھے جو اگر کوئی بھی اک بار مدینہ
مل جاۓگی اسے غم دوراں سےرہائی
ہوجاۓکرم آپکا سرکار مدینہ
حاجت نہیں ہے اسکو کسی بھی طبیب کی
دل بن گیا ہے بس مرا بیمار مدینہ
دل میں یہ آرزو ہے فریدی کےہرگھڑی
کرکےمروں میں آخری دیدارمدینہ
بیتاب ہے طیبہ کے زیارت کو فریدی
اک بار بلالیں شہہِ ابرار مدینہ
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
