نعت رسول

نعت رسول مقبول صلی اللہ علیہ وسلم

محمد رمضان امجدی مہراج گنج

ہر طرف ہے نور چھایا آگئے ماہ عرب
قدسیوں نے گایا نغمہ آگئے ماہ عرب

نور سے ان کے منور ہیں ستارے چاند بھی
اور درخشاں ذرہ ذرہ آگئے ماہ عرب

منہ کے بل بت گر گیا کعبۃ اللہ پاک میں
آمنہ نے جب پکارا آگئے ماہ عرب

عید میلاد النبی پر کہہ اٹھے اہل جہاں
جام وحدت کا ہے پینا آگئے ماہ عرب

ہو مبارک اہل سنت آمنہ بی بی کے گھر
بن کے رحمت کا وہ دریا آگئے ماہ عرب

آ رہی ہے یہ صدا عرش اعظم سے سدا
ہوگیا ہر سو اجالا آگئے ماہ عرب

خوف محشر کا نہیں ہے عاصیوں کو امجدی
حشر کا بن کر سہارا آگئے ماہ عرب

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button