نتیجہ فکر: محمد اشرفؔ رضا قادری
چھتیس گڑھ
عرسِ رضوی منانے بریلی چلیں
رب کا انعام پانے بریلی چلیں
رحمت و نور کی ہیں وہاں بارشیں
بارشوں میں نہانے بریلی چلیں
مصطفےٰ کی عنایت بریلی میں ہے
نورِ ایماں بڑھانے بریلی چلیں
عرسِ سبطینی رضوی میں اے سنیو!
جان و دل سب لٹانے بریلی چلیں
ہیں سخاوت کی نہریں رواں ہر طرف
پیاس دل کی بجھانے بریلی چلیں
مرکز اہل سنت ہے شہرِ رضا
نعرئہ حق لگانے بریلی چلیں
کیف و وجدان کے علم و عرفان کے
بٹ رہے ہیں خزانے بریلی چلیں
آؤ آواز دیتا ہے اشرفؔ رضا
دین و دنیا سجانے بریلی چلیں
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
