نتیجۂ فکر: فیضان علی فیضان، پاکستان
خدا کے سوا تو عبادت نہیں کی
کسی غیر کی اطاعت نہیں کی
ہمارے دِلوں پر سوائے نبی ﷺ کے
کسی اور نے تو حکومت نہیں کی
نبی پاک ﷺ کے دشمنوں سے کبھی بھی
زمانے میں ہم نے محبت نہیں کی
خدا جانتا ہے سوائے محمد ﷺ
کسی اور کی ہم نے مِدحت نہیں کی
ہیں صادق امیں بھی سبھی جانتے تھے
کبھی بھی نبی ﷺ نے خیانت نہیں کی
ہماری عداوت ہے ان سے جنہوں نے
کبھی بھی شہہ دیں ﷺ سے الفت نہیں کی
سر حشر فیضان بد بخت ہے وہ
کہ جس کی نبی ﷺ نے شفاعت نہیں کی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
