از قلم:شیخ عسکری رضوی بنارسی
7856932585
دل ہی نہیں یہ جان بھی اس پر نثار ہو
طیبہ نگر کو دیکھوں تو دل کو قرار ہو
جب روح میری تن سے جدا ہو شہ امم
اس دم نظر میں تیرا مقدس دیار ہو
محشر کے روز نعت کے صدقے میں یا خدا
ان کے ثناگروں میں ہمارا شمار ہو
بخشش مری کرانا تو میدان حشر میں
جس دم خدا کے آگے یہ عصیاں شعار ہو
اتنی سی آرزو ہے کہ میری نگاہ میں
پیارے رسولِ پاک کا پیارا دیار ہو
خلد بریں میں جائے گا وہ جھومتا ہوا
سرکار کے غلاموں میں جو بھی شمار ہو
سرکارِ غوث پاک کے صدقے میں ہے دعا
اطوار میں مرے بھی خدایا سدھار ہو
احمد رضا کے در سے ہمیں یہ ملا سبق
جو ان کا ہے اسی سے ملا دل کا تار ہو
لب پر ہے بزمِ مشق سخن کے لیے دعا
حاصل جہان میں اسے عِزّو وقار ہو
دیدار ان کا ہوگا تجھے عسکری اگر
ہر وقت دیکھنے کا نگہ میں خمار ہو
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
