نعت رسول

نعت رسول: کام کر جائے گی محشر میں شفاعت ان کی

نتیجۂ فکر: محمد رمضان امجدی
چیف ایڈیٹر ماہنامہ اسلامی کرن (ہندی) مہراج گنج

مجھ پہ ہوجائے اگر چشم عنایت ان کی
کام کر جائے گی محشر میں شفاعت ان کی

نعت سرکار دوعالم ہے وظیفہ جن کا
بے بہا ان کو ملاکرتی ہے رحمت ان کی

زلف واللیل ہے مازاغ ہیں پیاری آنکھیں

نجدیا سوچ تو کیا چیز ہے صورت ان کی

ساری خلقت میں نہیں کوئی بھی آقا جیسا
بولے جبریلِ امیں دیکھ کے رفعت ان کی

اہلسنت کے لئے مژدہ ہے روز محشر
بخشوا لے گی گنہگاروں کو الفت ان کی

جس کو چاہیں وہ عطا کردیں بہار جنت
رب ہے معطی وہ ہیں قاسم یہ ہے عظمت ان کی

توجو کرتاہے ثنا سرور عالم کی یہاں
امجدی تجھ پہ ہے یہ چشم عنایت ان کی

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button