نتیجۂ فکر: محمد رمضان امجدی مہراج گنجوی
چیف ایڈیٹر ماہنامہ اسلامی کرن
کہتے ہیں سبھی دیکھ کے دربار تمہارا
کتنا ہے حسیں روضہ اے سرکار تمہارا
حاصل ہو اگر اذن حضوری کا مجھے بھی
دیکھوں گا شہا گنبد و مینار تمہارا
آتے ہیں ملک کرنے کو جس در کی غلامی
اے رحمت عالم وہ ہے دربار تمہارا
سوتا ہوں لئے دل میں تمناۓ زیارت
ہوجائے کبھی خواب میں دیدار تمہارا
واللیل جو زلفیں ہیں تو مازاغ نگاہیں
پرنور سراپا ہے اے سرکار تمہارا
ہے فاطمہ کا واسطہ، تجھ کو نبی مرے
رمضان بھی یوں دیکھ لے دربار تمہارا
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
