اعلیٰ حضرت نظم

رضا کی فکر کا جلوہ "حدائقِ بخشش”

تو واصفِ شہِ بطحا ” حدائقِ بخشش "
مدیحِ مدحِ صحابہ ” حدائقِ بخشش "

جمالِ حسن کا طغریٰ ” حدائقِ بخشش "
مہِ ادب کا اُجالا ” حدائقِ بخشش "

امامِ اہلِ سنن کی عقیدتوں کا خراج
رضا کی فکر کا جلوہ ” حدائقِ بخشش "

علومِ فقہ و حدیث و تصوف و سیرت
ہر ایک فن میں ہے یکتا ” حدائقِ بخشش "

تخیلات ترے لاجواب ہیں بیشک
اے جانِ شعر و قصیدہ ” حدائقِ بخشش "

رضا کے خونِ جگر سے ہوئی ہے تو سیراب
اسی لیے تو ہے اعلیٰ ” حدائقِ بخشش "

نبی کی نعت کے جلوؤں سے تو منور ہے
ادب کی جانِ تجلیٰ ” حدائقِ بخشش "

ترے وجود سے ایوانِ نعت گوئی میں
سدا رہے گا اجالا ” حدائقِ بخشش "

رسولِ پاک کی توصیف کیسے کی جائے ؟
طریقہ تو نے بتایا ” حدائقِ بخشش "

فتاویٰ رضویہ گر فقہ کی کرامت ہے
ادب کا ایک کرشمہ حدائقِ بخشش

نبی کے مدح نگاروں کے واسطے اشرف
عمل کا اعلیٰ نمونہ ” حدائقِ بخشش "

خادم امین شریعت
محمد اشرف رضا قادری

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!

ہماری آواز
ہماری آواز؛ قومی، ملی، سیاسی، سماجی، ادبی، فکری و اصلاحی مضامین کا حسین سنگم ہیں۔ جہاں آپ مختلف موضوعات پر ماہر قلم کاروں کے مضامین و مقالات اور ادبی و شعری تخلیقات پڑھ سکتے ہیں۔ ساتھ ہی اگر آپ اپنا مضمون پبلش کروانا چاہتے ہیں تو بھی بلا تامل ہمیں وہاٹس ایپ 6388037123 یا ای میل hamariaawazurdu@gmail.com کرسکتے ہیں۔ شکریہ
http://Hamariaawazurdu@gmail.com

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے