رات میں دن کا فلسفہ دے گا
صدقہ آقاﷺ کا یوں خدا دے گا
جانتا ہے درود کیا دے گا
سوئی قسمت تری جگا دے گا
جب بھی وہ مجھکو کربلادےگا
موت کو زندگی بنا دے گا
پال تو دل میں دردِ عشقِ نبیﷺ
دیکھنا کس قدر مزہ دے گا
بالیقیں جاؤں گا مدینہ میں
یہ شرف عشقِ مصطفٰےﷺ دے گا
لے اے ظلمت نصیب نامِ نبیﷺ
ذہن و دل تیرے جگمگا دے گا
سنتوں میں ڈھلا یہ تیرا عمل
خاک سے کیمیا بنا دے گا
ذکی طارق بارہ بنکوی
سعادت گنج۔بارہ بنکی، یو۔پی۔ بھارت
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
