غریبوں اور فقیروں کو نبھاؤ یا رسول اللہ
زمانے کی مصیبت سے بچاؤ یا رسول اللہ
زمانے کی مصیبت میں پھنسا ہوں اک نظر ہو اب
اداسی شام غربت پر ہے آؤ یا رسول اللہ
تمہارے عشق میں دل کی کلی کھلتی ہی رہتی ہے
مجھے بھی خواب میں جلوہ دکھاؤ یا رسول اللہ
نہیں بچتی زمانے بھر کی رنگینیاں مجھ کو
فقط تم اپنے ہی در پر بلاؤ یا رسول اللہ
غموں کی بدلیاں چھائی ہوئی ہیں سر کے اوپر اب
غموں کی بحر سے مجھ کو بچاؤ یا رسول اللہ
درود پاک پڑھ کر جب یہ سو جائے گا بستر پر
تو رخ اپنا بھی ارشد کو دکھاؤ یا رسول اللہ
۔۔۔۔۔۔۔۔۔۔ رشحات قلم ۔۔۔۔۔۔۔۔۔۔۔
محمد ارشد رضا امجدی فیضی
ضلعی ممبر آف علماء کونسل نیپال ضلع نول پراسی نیپال
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
