منقبت

منقبت: شان سیدنا صدیق اکبر رضی اللہ عنہ

منقبت پاک یارغار مصطفیٰ، پاسدار صداقت، تاجدار امامت، فخر انسانیت، خلیفئہ اول، افضل البشر بعد الانبیاء، امیر المومنین، حضرت سیدنا ابوبکر صدیق رضی اللہ عنہ

نتیجۂ فکر: محمد شاہد رضا رضوی، سنت کبیر نگر

بیاں کب ہو کسی سے مرتبہ صِدِّیْقِ اَکْبَرْ کا
کہ ہے خود یار محبوب خداﷺ صِدِّیْقِ اَکْبَرْ کا

نبیﷺ کے بعد دنیا میں ہے افضل آپ کا درجہ
نبی کے در سے یہ رتبہ بڑھا صِدِّیْقِ اَکْبَرْ کا

یوں تو سب فدا کرتے ہیں جاں حکم پیمبرﷺ پر
نبی کے دین پر گھر بھی لٹا صِدِّیْقِ اَکْبَرْ کا

صحابہ ہی ہیں افضل بالیقیں سارے مسلماں میں
مگر ثانی نہیں ہے دوسرا صِدِّیْقِ اَکْبَرْ کا

یقیناً سب سے افضل آپ ہی ہیں چار یاروں میں
صحابہ میں ہے یکتا مرتبہ صِدِّیْقِ اَکْبَرْ کا

نہ چھوڑے ساتھ انکاﷺ ہر گھڑی ہمراہ رہے انکےﷺ
نبی کو غار میں بھی ساتھ تھا صِدِّیْقِ اَکْبَرْ کا

مرے آقاﷺ سے انکو دیکھو لو کس قدر چاہت ہے
کہ مدفن بھی نبی کا در بنا صِدِّیْقِ اَکْبَرْ کا

صحابی ہو ولی ہو غوث ہو یا کہ قلندر ہو
رہے گا سب پہ بھاری مرتبہ صِدِّیْقِ اَکْبَرْ کا

نبیﷺ کے وہ ہیں شیدائی نبیﷺ پہ جان دیتے ہیں
جہاں میں ہر طرف شہرا ہوا صِدِّیْقِ اَکْبَرْ کا

نبیﷺ کے فیض کا دریا بہاتے ہیں جہاں میں وہ
کہ منگتوں کے لئے در ہے کھلا صِدِّیْقِ اَکْبَرْ کا

خدا کا فضل ہوتا ہے بڑا انکے گداؤں پر
زہے قسمت ہے شاہد بھی گدا صِدِّیْقِ اَکْبَرْ کا

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

اسے بھی ملاحظہ کریں
Close
Back to top button