غزل: ہم تو صحرا ہی میں یوں بھٹکتے رہے

خیال آرائی: گل گلشن
ممبئی

جب سمندر ملا تشنگی نہ رہی
ہم تو صحرا ہی میں یوں بھٹکتے رہے

دل نے ہم سے کہا تم جفا کار ہو
ہم ہی نادان تھے تم پہ مرتے رہے

حسن اب غیر کا ان کو یوں بھا گیا
ہم تو ان کے لئے ہی سنورتے رہے

چھوڑنا تو انھیں ہم پہ دشوار تھا
ساتھ رہنے سے بھی وہ مکرتے رہے

وقت گلشن کا تجھ بن بدل سا گیا
یوں تو گل بھی کھلے اور بکھرتے رہے

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!