اہل بیتصحابہ کراممنقبت

منقبت: مولیٰ کی طرف جا

نتیجۂ فکر: اشرف رضا قادری
چھتیس گڑھ

جانے کا ارادہ ہے تو مولیٰ کی طرف جا
ہاں رخت سفر باندھ لے اور سوئے نجف جا

مقصود اگر ہے ترا دارین کی عزت
جا جا در مولی کی طرف سوئے ہدف جا

کر ہوش کہ جاتا ہے در مولی علی پر
رکھ پاس ادب یوں نہ بجاتے ہوئے دف جا

حاضر ہو سلیقے سے کہ دربار بڑا ہے
ہوجائے گا کافور ترا ہرغم و تف جا

اسلام پہ آنچ آئے تو لے نام علی کا
اور دین کے دشمن کی طرف تیغ بکف جا

وہ علم و فراست کے ہیں سلطان سخی بھی
ہے شرط کہ لے کر دلِ بے داغ و کلف جا

اشرف تجھے ہونا ہے حقیقت میں جو اشرف
جا بن کے گدا سوئے نجف بہر شرف جا

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

اسے بھی ملاحظہ کریں
Close
Back to top button