منقبت

منقبت: اہل صدق و صفا صابر پاک ہیں

نتیجہ فکر : سید اولاد رسول قدسی مصباحی
نیویارک امریکہ۔


اہلِ صدق وصفا صابرِ پاک ہیں
بحرِ خُلق ووفا صابرِ پاک ہیں

چشتیہ سلسلے کی ہیں وہ آبرو
قلبِ حق کی صدا صابرِ پاک ہیں

ہیں وہ کوش بخت نورِ نگاہِ فرید
قربِ حق کی ضیا صابرِ پاک ہیں

یہ کرامت ہے کھایا نہ کچھ بارہ سال
یوں وقارِغنا صابرِ پاک ہیں

ان سے روشن ہے روحانیت کا چراغ
مہرِ مدح وثنا صابرِ پاک ہیں

رات بھر سجدہ ریزی ہے روشن دلیل
نازشِ اتقیا صابرِ پاک ہیں

ان کے دامن کے سائے میں قدسیؔ رہو
حامیِٔ بےنوا صابرِ پاک ہیں

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button