دربھنگہ: (عبدالرحیم) ای ٹی وی بھارت اردو کے معروف صحافی و سوشل میڈیا پر فعال و متحرک رہنے والے نوجوان عارف اقبال نے سوشل میڈیا کے تمام پلیٹ فارم کو الوداع کہہ دیا ہے، اس کی اطلاع انہوں نے خود اپنے آفیشیل فیس بک پیج سے دی ہے، حالانکہ سوشل میڈیا چھوڑنے کی انہوں نے کوئی خاص وجہ نہیں بتائی، مذکورہ اطلاع کے بعد سے سوشل میڈیا پر کئی طرح کے رد عمل دیکھنے کو مل رہا ، ان کے فالورس نے انہیں سوشل میڈیا نہ چھوڑنے کی گزارش کرتے ہوئے لکھا ہے کہ آپ کی اسٹوری دیگر صحافیوں سے منفرد اور معنی خیز ہوتی ہیں، مادیت کے اس دور میں جبکہ صحافیوں پر کئی طرح کے شکنجے کسے جا رہے ہیں ، آپ نے بے باکی اور جرات کے ساتھ غریبوں اور ضرورت مندوں کے مسائل اٹھا کر حکومت کو باخبر کیا ہے، آپ کے اس قدم سے ہم حیرت زدہ ہیں۔ واضح رہے کہ عارف اقبال بہار میں اردو صحافت کا ایک جانا پہچانا نام ہے، آپ اپنے مخصوص انداز کے صحافت کے لئے قومی سطح پر قدر کی نگاہ سے دیکھے اور سنے جاتے ہیں، شہر دربھنگہ سے تعلق رکھنے والے عارف اقبال صحافی کے ساتھ کئی کتابوں کے مصنف بھی ہیں، آپ خطہ سیمانچل کے ضلع ارریہ میں رہ کر گزشتہ تین سالوں سے ای ٹی وی بھارت کے بحیثیت رپورٹر / کنٹینٹ ایڈیٹر خدمات انجام دے رہے ہیں۔ارریہ کے مختلف مسائل اور تہذیب و ثقافت پر کئی دستاویزی اسٹوری کے ذریعہ ضلع انتظامیہ اور حکومت کی توجہ مبذول کرائی ہے۔ ابھی حالیہ میں انہوں نے ارریہ میں ذہنی توازن کھو چکے سڑکوں پر زندگی بسر کرنے والے لوگوں کے مسائل اور طرز زندگی جیسے حساس موضوع کو حکومت کے سامنے پیش کیا تھا۔ سوشل میڈیا یوزر عارف اقبال کے اس قدم سے مایوس ہیں۔
متعلقہ مضامین
گورکھپور: سائکل سوار کو ٹرک نے روندا، موقع پر ہوئی دردناک موت
گورکھپور: 10مارچ، ہماری آواز(نامہ نگار) گورکھپور سے سنولی راستہ پر واقعہ برگدوا چوراہے پر ابھی شام 3.30 بجے ایک دردناک سڑک حادثے میں ایک نوجوان کی موقع پر موت ہوگئی، 14 سالہ نوجوان سائکل پر سوار سنولی کی جانب سے آرہا تھا کہ تبھی میڈیکل کی جانب سے آرہے ٹرک کی چپیٹ میں آگیا اور […]
مسکرائیے” مولی علی” کے جواب پر
ابھی دوران سفر ایک حدیث کی تلاش کرتے ہوئے بخاری شریف کی یہ حدیث شریف سامنے آ گئی اور چہرا خود بخود کھل اٹھا، آقا علیہ السلام کا مولی علی رضی اللہ عنہ سے پیار دیکھیے اور حضرت مولی علی رضی اللہ عنہ آقا کریم کے عمل پر پر لطف جواب پڑھیے، اس حدیث کو […]
صرف دہلی میں ہی نہیں، COVID-19 ویکسین پورے ملک میں مفت فراہم کرائی جائے گی: مرکزی وزیر صحت
نئی دہلی: 2 جنوری (اے این آئی): مرکزی وزیر صحت ڈاکٹر ہرشوردھن نے ہفتہ کے روز کہا کہ کووڈ19 ویکسین پورے ملک میں مفت فراہم کی جائے گی۔وزیر موصوف نے یہ بیان دریا گنج کے زچگی اور چلڈرن بہبود (ایم سی ڈبلیو) سنٹر میں COVID-19 ویکسین کے انتظامیہ کے ڈرائی رن کا جائزہ لینے کے […]