ایک اور ستارہ ٹوٹا؛ مظہر مجاہد ملت علامہ عاشق الرحمٰن حبیبی کا انتقال

پریاگ راج(الہٰ آباد): 26 اپریل، ہماری آواز(نامہ نگار)
یوں تو آج کل علماے کرام کے ساتھ علم اٹھنے کا سلسلہ جاری ہے۔ خدا خیر کرے! نہ جانے کب یہ سلسلہ تھمے گا یا تھمے گا ہی نہیں کہ قرب قیامت کی نشانی جو پوری ہونی ہے۔۔۔۔۔۔۔ اب اس سلسلہ رنج و الم کی تازہ ترین کڑی مظہرِ مجاہدِ ملت ماہرِ ہفت لسان نمونۂ اسلاف حضرت علامہ عاشق الرحمان حبیبی صاحب بھی بن گئے۔ آپ کا الہٰ آباد میں واقع مدرسہ حبیبیہ میں آج صبح انتقال پر ملال ہوگیا۔ انا للہ و انا الیہ رٰجعون
علامہ عاشق الرحمن حبیبی جملہ علوم اسلامی میں مہارت ودرک رکھتے تھے۰ضرورت کےمطابق کامل ومکمل تحریروتقریر سےسنیت کی خدمت کرتےرھے، مسلک اعلی حضرت کے سرگرم مبلغ وداعی تھے اعلی حضرت کے مخالفت ان کو بر داشت نھیں تھی۰ سادہ طبیعت کےمالک سادگی پسند لیکن چہرہ بشرہ سے عالمانہ رعب وجلال ٹپکتا تھا، گفتگو عالمانہ طم طراق سے فرماتےتھے، اپنےاکابرین کےمعتمد تھے۔

اللہ رب العزت ان کی مغفرت فرمائے درجات بلند کرےان کی خدمات کو قبول فرمائے بہتر اجر و صلہ بخشے ان کےمشائخ کا جوار نصیب کرے اہل سنت کو ان کا نعم البدل مرحمت فرمائے اور ان کے متعلقین اور شاگردوں کو ان کی جدائی پر صبروسلوان عطافرمائے۔

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!