نعت رسول: ناموس رسالت کا صلہ اور ہی کچھ ہے

نتیجہ فکر: ظفر پرواز گڑھوای

ناموس رسالت کا صلہ ۔۔۔۔۔۔۔۔۔اور ہی کچھ ہے
مل جائے گی محشر میں جزا اور ہی کچھ ہے

شرما کے چاند تارے یہی ۔۔۔۔۔کہہ اٹھے ان سے
تیرے رخ زیبا کی ضیاء۔۔۔۔۔۔۔ اور ہی کچھ ہے

جسموں پہ ہے پیوند مگر ۔۔۔۔۔۔لب پہ شکر رب
بی فاطمہ زہرا کی ردا اور ۔۔۔۔۔۔۔ہی کچھ ہے

سن سن کے گالیاں بھی دعائیں دی بار بار
سرکار دوعالم کی ادا اور ہی ۔۔۔۔۔۔کچھ ہے

منگتا جو گیا در سے نہ خالی کبھی لوٹا
سرکار کے دامن کی عطا اور ہی کچھ ہے

بانٹے کوءی جنت تو کوءی مردہ جلائے
اللہ کے ولیوں کی عطا اور ہی کچھ ہے

جنت سے جوڑا آگیا حسنین۔۔۔۔۔ کا ظفر
وہ فاطمہ زہرا کی دعا اور ہی کچھ ہے

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!