نعت رسول

نعت رسول: جب خدا خود مصطفیٰﷺ کی ناز برداری کرے

محمد زاہد رضابنارسی
دارالعلوم حبیبیہ رضویہ گوپی گنج۔
بھدوہی۔یوپی۔بھارت


جب خدا خود مصطفٰےﷺ کی ناز برداری کرے
پھر یہ قرآں کیوں نہ اس کی آئینہ داری کرے

اللہ اللہ میرا رہبر ایسا ہے گلزار داں
وادیٔ صحرا میں جو تیار پھلواری کرے

پڑگئی جس پہ نبی کی اک نگاہ التفات
وہ گدا ہوکر شہنشاہوں کی سرداری کرے

ایک انساں اور کرے اس کے کرم کا تجزیہ
جو گنہگاروں کی محشر میں طرفداری کرے

گھر میں رکھ کر صرف نام مصطفٰےﷺ کی برکتیں
کون ہے بوبکر سی جو آپ سے یاری کرے

قبر پر تاج الشریعہ کے کہا عشاق نے
ابر رحمت تیرے مرقد پر گہرباری کرے

رفتہ رفتہ عشق میں آنے لگی وارفتگی
طیبہ چلنے کی کہو” زاہد "سے تیاری کرے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے