دوہا نعت مردف
رشحات قلم : سید اولاد رسول قدسی مصباحی نیویارک
ربِّ عالم نے رکھا ، ان کا پیارا نام
ہر دل میں چھاتا گیا ، ان کا پیارا نام
لب پر ان کا ذکر ہو ، جاری صبح و شام
قلب تیرہ کی ضیا ، ان کا پیارا نام
اہل دل کے قول کی ، سب نے کی تصدیق
درد دل کی ہے دوا ، ان کا پیارا نام
لب خودلب کو چوم کر ، کہتا ہے پرجوش
دل کو ٹھنڈا کر گیا ، ان کا پیارا نام
کھاتا ہے خود مونھ کی ، ان کا ہر گستاخ
سر تا پا مدح و ثنا ، ان کا پیارا نام
ہونا ہے گر معتبر ، کیجے رب کی حمد
دیتا ہے پیہم صدا ، ان کا پیارا نام
سب نبیوں کے نام سے، اعلی اس کی شان
عرش اعظم پر لکھا ، ان کا پیارا نام
رب کا بے پایاں کرم ، یوں ہے جلوہ بار
اونچا ہر شے سے رہا ، ان کا پیارا نام
مجھ پر رب کی رحمتیں ، برسیں جم کر خوب
قدسیؔ میں نے جب لیا ، ان کا پیارا نام
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
