از قلم: شیخ عسکری رضوی بنارسی
7856932585
کہتے ہیں قطب و قلندر غوث پاک
آپ ہیں ولیوں کے سرور غوث پاک
چور کو کر دیں ولی اک آن میں
ہیں ولایت کے سمندر غوث پاک
ڈوبی کشتی پل میں باہر آ گئی
اک اشارہ تیرا پاکر غوث پاک
میرے خواجہ آپ کے دربار سے
ہند میں آئے ہیں ہو کر غوث پاک
مشکلیں کافور ساری ہو گئیں
جب پکارا نام لیکر غوث پاک
خواب میں اک روز میں بھی دیکھ لوں
آپ کا روئے منوّر غوث پاک
حالِ دِل اپنا سناؤں گا ضرور
آپ کے در پر پہونچ کر غوث پاک
آپ سے جس کا بھی رشتہ جڑ گیا
ہو گیا وہ شخص بہتر غوث پاک
کیسے بہکائے گا مجھ کو نجدیا
ہیں مرے حامی و رہبر غوث پاک
شہرتیں حاصل کروں گا دہر میں
آپ کے نغمے سنا کر غوث پاک
کر گئے مُردوں کو زندہ عسکریؔ
قم بِاِذنِ اللہ کہہ کر غوث پاک
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
