سُنا تھا ہم نے لوگوں سے
مُحبّت چیز ایسی ہے
چھُپائے چھُپ نہیں سکتی
دبائے دب نہیں سکتی
یہ چہرے سے جھلکتی ہے
یہ لہجے میں مہکتی ہے
یہ آنکھوں میں چمکتی ہے
یہ راتوں کو جگاتی ہے
یہ آنکھوں کو رُلاتی ہے
مگر یہ سب اگر سچ ہے!
تو ہمیں اﷲ سے
بھلا کیسی مُحبّت ہے؟
نہ چہروں سے جھلکتی ہے!
نہ لہجوں میں مہکتی ہے!
نہ آنکھوں کو رُلاتی ہے!
نہ راتوں کو جگاتی ہے!
بتاؤ! یہ ہمیں اﷲ سے
بھلا کیسی مُحبّت ہے؟
بھلا کیسی مُحبّت ہے؟
