سندیلہ/ ہردوئی: ہماری آواز( یاسر قاسمی) 10 جنوری// سندیلہ کے سماجی کارکن محمد سید کے والد وہاب علی (ہابل انصاری) کے اچانک انتقال سے فضا سوگوار ہو گئی، وہ 75 برس کے تھے۔ اطلاع کے مطابق وہ ان دنوں صوبہ بہار کے سفر پر تھے، ہفتے کو وضو کرکے نماز عصر کی ادائیگی کیلئے مسجد جارہے تھے، اسی دوران اچانک طبیعت ناساز ہوگئی، علاج کیلئے شفا خانے لے جانے کی تیاری ہورہی تھی، تبھی روح قفس عنصری سے پرواز کر گئی، انتقال کی اطلاع ملتے ہی اہل خانہ میں کہرام مچ گیا، لاش اتوار کی شب سندیلہ لائی گئی، مدرسہ محمود العلوم کے صحن میں بعد ظہر نماز جنازہ ادا کی گئی، بعد ازاں عمومی قبرستان میں سپرد خاک ہوئے، پسماندگان میں 4 صاحبزادے محمد سید ، محمد صابر ، محمد صغیر ،محمد شکیل اور تین صاحبزادیاں ہیں، بڑے صاحبزادے محمد سید نے ایصال ثواب کی اپیل کی ہے۔