اہم خبریںملکی خبریں

کسانوں پر ہریانہ پولیس کے ذریعہ طاقت کا استعمال قابل مذمت:گہلوت

جئے پور۔ہماری آواز/10 جنوری(پریس ریلیز)وزیراعلیٰ راجستھان اشوک گہلوت نے ہریانہ کے کرنال میں کسان تحریک کی حمایت میں مظاہرہ کررہے کسانوں پر پولیس کے ذریعہ طاقت کے استعمال کو قابل مذمت قراردیا ہے مسٹر گہلوت نے آج سوشل میڈیا کے ذریعہ کہا کہ یہ ہریانہ پولیس کا قابل مذمت عمل ہے۔ اس سے قبل دہلی میں کسان تحریک کی حمایت کرنے جارہے راجستھان کے کسان بھائیوں پر بھی ہریانہ پولیس نے اسی طرح طاقت کا استعمال کیا تھا۔
انہوں نے کہا کہ بی جے پی کی حکمرانی والی ریاست میں ایسی جابرانی کارروائی کرنے کے بجائے مرکزی حکومت کو کسانوں کی بات سن کر بلاتاخیر ان کے مطالبات مان لینے چاہیے۔ آخر ایسا کس کا دباو ہے جس کے سبب 46 دنوں سے دھرنا دے رہے کسانوں کے مطالبات تسلیم نہیں کیےجارہے ہیں۔
دوسری جانب سابق نائب وزیراعلیٰ سچن پائلٹ نے اپنے ٹونک دورے کے دوران میڈیا سے کہا کہ اگر ان زرعی قوانین میں کسانوں کا مفادہوتا تو وہ ان کو قبول کرتے ہوئے شکریہ اداکرتے۔ کسان اپنی جان پر کھیل کر بلوں کی مخالفت کررہے ہیں، کئی کسانوں کی جان چلی گئی۔ سچائی سب کے سامنے ہے، پھر بھی مرکزی حکومت بضد اور کسانوں کی بات تک سننے کو تیار نہیں۔
انہوں نے کہا کہ اگر کسانوں کے مفاد میں یہ قانون واپس بھی لئے جاتے ہیں تو اس میں کسی کی شکست نہیں ہے۔

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button