سکونِ جان و دل ارماں امینِ دین و ملت ہیں
مدوا غم کا در درماں امینِ دین و ملت ہیں
ہو علمِ ظاہری یا معنوی ہر ایک میں بیشک
مہارت رکھتے وہ یکساں امینِ دین و ملت ہیں
رسولِ پاک کی سیرت کا مظہر ذات ہے جن کی
وہ پاکیزہ صفت انساں امینِ دین و ملت ہیں
تصلب، استقامت دین پر ان کی رہی دائم
ہاں! ایسے صاحبِ ایماں امینِ دین و ملت ہیں
پڑھا کافر نے بھی کلمہ ہےجن کےدستِ اقدس پر
صداقت کا حسیں داماں امینِ دین و ملت ہیں
مخالف دشمنانِ دیں سے جو بالکل نہ گھبرائے
وہ مرد حق خدا ترساں امینِ دین و ملت ہیں
نہ جانے کتنے بھٹکوں کو وہ راہِ راست پر لائے
گو راہِ حق کے اک ساماں امینِ دین و ملت ہیں
تھی جن کی ذات تقویٰ اورطہارت کاحسیں پیکر
وہ خاصانِ حق و یزداں امینِ دین و ملت ہیں
خدا کے دین کی ترویج میں خدمات میں اپنی
کئے کل زندگی قرباں امینِ دین و ملت ہیں
ہر اک بابِ حیات ان کا منور ہے نمایاں ہے
سراپا روشن و تاباں امینِ دین و ملت ہیں
کہا ہے مفتیِ اعظم نے ‘ہیں زندہ ولی، جن کو
غریقِ وادیِ عرفاں امینِ دین و ملت ہیں
نہیں وہ طالبِ جنت، ہے طالب خلد خود ان کی
وہ مطلوب جناں مہماں امینِ دین و ملت ہیں
دیوانے اشک ان کی یاد میں اب بھی بہاتے ہیں
ہیں کہتے جانِ جاں جاناں امینِ دین و ملت ہیں
امیرِ ناتواں جو چاہ در سے مانگ لے ان کے
بلا شک فیض کے ساماں امینِ دین و ملت ہیں
رشحات قلم : محمد امیر حسن امجدی رضوی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
