منقبت

منقبت : وہ شاہ مشرقین ہیں حسین ہیں حسین ہیں

رشحات قلم : غلام احمد رضا نیپالی

نبی کے نور عین ہیں حسین ہیں حسین ہیں
علی کے دل کاچین ہیں حسین ہیں حسین ہیں

جو مصطفیٰ کے نور ہیں سکون ہیں سرور ہیں
جودیں کےزیب وزین ہیں حسین ہیں حسین ہیں

سوال ہے وہ کون ہیں جو صبر کا جہان ہیں
جواب ہے حسین ہیں حسین ہیں حسین ہیں

دوانہء رسول کے فدائیء بتول کے
جو دل کے بین بین ہیں حسین ہیں حسین ہیں

جوخلق میں جمیل ہیں جوخلق میں عظیم ہیں
یہ اُن کے عین غین ہیں حسین ہیں حسین ہیں

عطائے خالق و مبیں عطائے ختمِ مرسلیں
جو فاطمہ کی دین ہیں حسین ہیں حسین ہیں

یزید کو رہا ہمیشہ خوف جن کی ذات سے
وہ شاہِ مشرقین ہیں حسین ہیں حسین ہیں

جو صادق و امیں معیں سخی ہیں احمدِ حزیں
جو بحرِ حق کے ثین ہیں حسین ہیں حسین ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے