ازقلم : سید اولاد رسول قدسی مصباحی
نور باطن کی پہچان بابا فرید
زہد و تقوی کی ہیں شان بابا فرید
خواجہ کاکی نے ایسا سنوارا انہیں
بن گۓ چشت کی جان بابا فرید
ان سے ملتا ہے عرفانِ راہِ سلوک
اہل دل کے ہیں ارمان بابا فرید
روز بٹتا ہے در پر سرور و سکوں
غمزدوں کے نگہبان بابا فرید
کہ رہی ہے کرامات کی روشنی
رب کی قدرت کے برھان بابا فرید
معتبر قول ہے صابرِ پاک کا
مہرِ عرفانِ رحمان بابا فرید
خلق سے ان کے گردن کٹی کفر کی
ناشرِ دین و ایمان بابا فرید
منکروں کو بھی قدسی یہ کہنا پڑا
عشق حق تم پہ قربان بابا فرید
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
