منقبت

منقبت در شان سیدہ کائنات بی بی فاطمہ زہرا رضی اللہ عنہا

از قلم: ناصر منیری
ڈائریکٹر ریسرچ سینٹر خانقاہ منیر شریف
رابطہ نمبر: 9905763238

علم کی دھنی ہے فاطمہ
ناز سے پلی ہے فاطمہ

مصطفی کے باغ کی حسیں
خوب رو کلی ہے فاطمہ

خوش نصیب کو ہی ملتی ہے
تیری نوکری ہے فاطمہ

اذن سے ہی آئیں جبرئیل
تیری کوٹھری ہے فاطمہ

اتقا میں تو ہے بے مثال
صوفی و صفی ہے فاطمہ

در سے خالی جائے نہ کوئی
ایسی تو سخی ہے فاطمہ

ناصرِ منیری کی طلب
در کی حاضری ہے فاطمہ