سر محشر مجھے نوری ردا اپنی عطا کرنا

الدال علیٰ خیر کفاعلہ (شیئر کریں)
نتیجہ فکر: محمد جیش خان نوری امجدی مہراجگنج یوپی

کرم اتنا برائے سیدہ، خیر الوری کرنا 
سر محشر مجھے نوری ردا اپنی  عطا کرنا

گلاب و مشک عنبر سے ذرا لب کو دھلا کرنا 
پھر اس کے بعد میں ذکر حبیب کبریا کرنا

ملا ہے درس مجھکو سیدی احمد رضا خاں سے
رسول پاک کی حرمت پہ تن من دھن فدا کرنا

یہی پیغام رب ہے اور یہی درس نبوت ہے
یتیموں اور غریبوں کا ہمیشہ تم بھلا کرنا

شفا پانا اگر تم چاہتے ہو کل بلاؤں سے
تو دل سے ہرگھڑی صل علی صل علی کرنا

شفاعت پائےگا تو حشر میں شاہ دوعالم کی
مگر الفت میں ان کی، زندگی اپنی جیا کرنا

رسول اللہ کی جو شان میں کرتا ہے گستاخی
ہمیشہ اس سے دوری تم بنا کر ہی رہا کرنا

نظر تیری پڑے جب گنبد خضری پہ اے نوری
کبھی نعتیں پڑھا کرنا کبھی اس کو تکا کرنا

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

سلام در شان سلطان انبیاء

اللہ کے حبیب و پیمبر پہ ہو سلامسلطان انبیاء پہ ہو، سرور پہ ہو سلام …

جواب دیں

آپ کا ای میل ایڈریس شائع نہیں کیا جائے گا۔