از قلم: شیخ عسکری رضوی بنارسی
مصطفیٰ مصطفیٰ کیا کیجے
یعنی صلّ علىٰ پڑھا کیجے
تذکرہ شہ کا جا بجا کیجے
اس طرح دل کو پر ضیا کیجے
ہو ہی جائیگی ہر دعا مقبول
واسطہ شاہ کا دیا کیجے
ہند میں ہم پریشاں ہیں آقا
ایک چشمِ کرم عطا کیجے
با وضو با ادب قرینے سے
"بس بیاں شانِ مصطفیٰ کیجے”
تمہیں کرنا ہے رب کو راضی گر
خدمت والدہ سدا کیجے
بھاگ جائے گا بزم سے نجدی
نامِ احمد رضا لیا کیجے
عسکریؔ پانا ہے اگر جنت
جان و دل ان پہ بس فدا کیجے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
