منقبت

منقبت: مظہر حضے شبیر ہیں اعلیٰ حضرت

از قلم: شیخ عسکری رضوی بنارسی
7856932585

مَظہَرِ حضرتِ شَبیر ہیں اعلیٰ حضرت
دشمنوں کے لیے شمشیر ہیں اعلیٰ حضرت

کنز الایمان سے معلوم یہی ہوتا ہے
پورے قرآن کی تفسیر ہیں اعلیٰ حضرت

معجزہ ہند میں آقا کا جنہیں کہتے ہیں
ارفع و اعلیٰ وہی پیر ہیں اعلیٰ حضرت

بن کے آئے ہیں کرامت شہ بغداد کی اور
شاہِ اجمیر کی تاثیر ہیں اعلیٰ حضرت

جتنے ہیں چاہنے والے سبھی کہتے ہیں یہی
عشق سرکار کی تصویر ہیں اعلیٰ حضرت

عسکری اہل سنن جن پہ ہیں نازاں ہر دم
علم و حکمت کی وہ تحریر ہیں اعلیٰ حضرت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے