محمد شوقین نواز شوق فریدی
خانقاہ فریدیہ جوگیا شریف کھگڑیا بہار
9931491182
مبارک ہو محمد مصطفیٰﷺ کی آمد آمد ہے
مبارک ہو شہ ہر دوسرا کی آمد آمد ہے
مناؤ خوشیاں محبوب خدا کی آمد آمد ہے
بنائے دوجہاں شاہ ہدیٰ کی آمد آمد ہے
منائیں کیوں نہ خوشیاں ہم سجائیں کیوں نہ گلیوں کو
ہمارے رہنما و پیشوا کی آمد آمد ہے
بلائیں دور ہوں گی اور جہاں میں آئیں گی خوشیاں
زمین پر دافع رنج و وبلا کی آمد آمد ہے
نہ گھبراؤ مسلمانوں تمھاری مغفرت ہوگی
وہ دیکھو شافع روز جزا کی آمد آمد ہے
چھٹے گی دہر سے تاریکیاں اب روشنی ہوگی
جہاں میں مظہر ذات خدا کی آمد آمد ہے
ربیع النور دوشنبہ کو بی بی آمنہ کے گھر
مبارک ہو امام النبیا کی آمد آمد ہے
سجاؤ محفل میلاد اور نعتیں پڑھو مل کر
"ربیع النور ہے خیر الوریٰ کی آمد آمد ہے”
خدا نے نور سے جس کے بنایا سارے عالم کو
اسی مختار کل نور خدا کی آمد آمد ہے
نبوت کی ہوئی تکمیل جس پہ ! شہر طیبہ میں
اسی سرکار ختم الانبیا کی آمد آمد ہے
ہوا شوق فریدی جس سے یہ دونوں جہاں روشن
اسی شمس الضحیٰ بدرالدجی کی آمد آمد ہے
رقم کرتا ہوں اے شوقِ فریدی نعت میں جس کی
اسی سلطان عالم مقتدیٰ کی آمد آمد ہے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
